Yanvarın 28-i Peşə Təhsili üzrə Dövlət Agentliyinin təşkilatçılığı ilə Lənkəran şəhərində “Lankaran Springs Wellness Resort” oteldə “Lənkəran-Astara iqtisadi rayonunun iqtisadi inkişafında peşə təhsilinin rolu: imkanlar və çağırışlar” mövzusunda konfrans keçirilib.
Tədbirdə dövlət qurumları, peşə təhsili və təlimi sahəsində fəaliyyət göstərən işəgötürən qurumların nümayəndələri iştirak ediblər.
İxtisaslı kadrların hazırlanmasının təşviq edilməsi, bu sahədə dövlət-özəl əməkdaşlığının inkişaf etdirilməsi məqsədi daşıyan tədbirin ilk hissəsində Marsol Group-un direktoru və İş adamları Cəmiyyətinin Milli Assosiasiyasının (İCMA) İdarə Heyətinin üzvü Bilal Qasımlı spiker qismində çıxış edib, Dövlət-Özəl tərəfdaşlığı: İnsan resurslarının səmərəli idarə edilməsi mövzusunda müzakirələr aparılıb.
Sonda, dual peşə təhsili proqramında əməkdaşlıq edən sahibkarlara təşəkkürnamə verilib.
