Azərbaycan Ticarət Forumu keçirilib.

Kiçik və Orta Biznesin İnkişafı Agentliyinin (KOBİA), Azərbaycan Gömrük Təmsilçiliyi və Logistika Şirkətlərinin Assosiasiyasının birgə təşkilatçılığı, İş adamları Cəmiyyətinin Milli Assosiasiyasının (İCMA) tərəfdaşlığı və “PAŞA Holding”in dəstəyi ilə oktyabrın 7-də Azərbaycan Ticarət Forumu keçirilib. 

“KOB-lar üçün imkanlar, mövcud vəziyyət və çağırışlar” mövzusuna həsr olunan forumda idxal-ixrac əməliyyatları ilə bağlı imkanlar, sahibkarların ixracda payının artırılması və ticarət sahəsində əməkdaşlıq perspektivləri müzakirə olunub.

Forumda dövlət rəsmiləri, idxal-ixrac, istehsalat, logistika, gömrük təmsilçiliyi və s. sahələrdə fəaliyyət göstərən şirkətlər və İCMA- üzvləri iştirak edib.