Sentyabrın 16-da İş adamları Cəmiyyətinin Milli Assosiasiyasında (İCMA) Hüquq, Maliyyə və Biznes Konsultasiya Komissiyasının növbəti görüşü baş tutub.
Görüş zamanı dövlət qurumları ilə əməkdaşlığa dair uyğun təkliflərin hazırlanması, sahibkarlığın inkişafına dəstək məqsədli təşəbbüslərin irəli sürülməsi və qarşıdakı dövrdə həyata keçirilməsi planlaşdırılan tədbirlər ətrafında fikir mübadiləsi aparılıb. Həmçinin, biznes mühitində aktual olan hüquqi və maliyyə məsələləri, vergi və hesabatlılıqla bağlı yeniliklər müzakirə edilib.
Görüşün sonunda İCMA üzvlərinə üzvlük vəsiqələri və sertifikatları təqdim olunub.
